Həll
proses + nəzarətAzərbaycan biznesləri üçün ERP hazırlanması və tətbiqi
Wapp.az satış, satınalma, anbar və maliyyə əməliyyatlarını əlaqələndirən ERP sistemləri hazırlayır. Məqsəd bir sifarişin müxtəlif şöbələrdə yenidən yazılmasını azaltmaq və rəhbərliyə eyni məlumat əsasında hesabat təqdim etməkdir. İşə mövcud proqramları və ən çox uzanan əməliyyatı araşdırmaqla başlayırıq.
Hansı prosesləri birləşdirmək olar?
- Satış: sifariş, müqavilə, göndəriş və müştəri borcu.
- Anbar: mal qəbulu, rezerv, filiallararası hərəkət, inventar və qaytarma.
- Satınalma: tələb, təchizatçı, qiymət təklifi, təsdiq və qismən qəbul.
- Maliyyə uçotu: ödəniş, kassa, xərc, borc-alacaq və pul axını.
- İdarəetmə: rollar, sənəd təsdiqləri, dəyişiklik tarixçəsi və hesabatlar.
İstehsal, layihə və ya HR modulu tələb olunursa, həmin sahənin qaydaları ayrıca təhlil edilir. Proqramın əməliyyat uçotu ilə rəsmi vergi və mühasibat hesabatlarına uyğunluğu eyni tələb deyil; mövcud mühasibat proqramı və lazım olan məlumat mübadiləsi texniki tapşırıqda göstərilir.
ERP, CRM və hazır həll arasında seçim
Əsas problem müraciət və satış əməkdaşlarının işidirsə, CRM hazırlanması ilk mərhələ üçün kifayət edə bilər. Sifariş, anbar qalığı və ödəniş müxtəlif şöbələrdə ayrılırsa, ERP əhatəsi qiymətləndirilir. Standart modullar uyğundursa, hazır ERP bazasını sazlamaq və yalnız fərqli hissələri hazırlamaq olar.
Tətbiqə haradan başlamaq lazımdır?
- Bir əməliyyat seçilir: məsələn, sifarişdən malın çıxışına və ödənişə qədər axın.
- Məhsul kodu, ölçü vahidi, anbar, filial və sənəd qaydaları razılaşdırılır.
- Açılış qalıqları və borclar məsul şəxslərlə yoxlanılır.
- Nümunə məlumatla pilot, icazə yoxlaması və istifadəçi təlimi aparılır.
- Keçid tarixi və növbəti modullar pilotun nəticəsinə əsasən müəyyən edilir.
Demo və qəbul üçün konkret ssenari
Sifarişin bir hissəsini qəbul edin, həmin maldan qismən satış aparın, sonra qaytarma və ödəniş daxil edin. Anbarın faktiki qalığını, sifarişin açıq miqdarını və müştərinin borcunu eyni tarix üzrə müqayisə edin. Sənəd ləğv ediləndə əlaqəli əməliyyatların necə dəyişdiyi və kimin bunu edə bildiyi də yoxlanmalıdır.
ERP sisteminin qiyməti nədən asılıdır?
Modul və filial sayı, təsdiq mərhələləri, köhnə bazanın keyfiyyəti, xüsusi hesabatlar və inteqrasiyalar əsas xərc amilləridir. Təklifdə hazır modullar, əlavə hazırlanma, məlumat köçürülməsi, təlim və dəstək ayrı göstərilir. ERP qiyməti bələdçisi eyni iş həcmi üzrə müqayisəyə kömək edir.
Finex layihəsi ilə tanış olun. Əlaqə formasında şöbələri, istifadə etdiyiniz proqramları və bir əsas problemi qeyd edin; ilk tətbiq mərhələsini birlikdə müəyyənləşdirək.
